XƏBƏRLƏR

Sosial Müdafiənin İnkişaf Layihəsi - I komponent "Əmək bazarında islahat"

I komponent - 23 noyabr 2011-ci il tarixdə SOSİAL MÜDAFİƏNİN İNKİŞAF LAYİHƏSİ çərçivəsində əmək bazarında islahatla bağlı ACE ekspertlərinin nəzərdən keçirilməsi və şərh edilməsi üçün aşağıdakı qanun layihələrini Azərbaycan və ingilis dillərində hazırlayaraq təqdim etmişdir.

• Sosial iqtisadi statusa görə əhalinin işsiz və digər kateqoriyaları ilə bağlı karyera planlanması və məsləhətçiliyinin qurulması və həyata keçirilməsinə dair qaydalar;
• Karyera Planlanması və Məsləhətçiliyi Mərkəzinin Əsasnaməsinin ilkin versiyası;
• Qurumlararası İşçi Qrupunun Əsasnaməsi; və
• Əmək və Əhalinin Sosial Müdafiəsi Nazirliyinin Qurumlararası İşçi Qrupunun yaradılması və onun əsasnaməsinin təsdiq edilməsi, yuxarıda sadalanan Əsasnamələrin, habelə Karyera Planlanması və Məsləhətçiliyi Mərkəzinin əsasnaməsinin ilkin versiyasının təsdiqinə dair müvafiq əmr və qərarları.

Azərbaycanda Sosial Müdafiənin İnkişafı Layihəsinin məqsədi gücləndirilmiş institutlar, artırılmış institusional və insan resursları bacarıqları, habelə sosial təhlükəsizlik şəbəkəsi proqramlarının təkmilləşdirilmiş hədəfləri vasitəsilə əmək bazarı və sosial müdafiə müdaxilələrinin həyata keçirilməsinin yaxşılaşdırılmasıdır. İlkin məqəd əmək bazarında islahatlardır. Bu, əmək bazarı institutlarını, strategiya və proqramlarını əhəmiyyətli dərəcədə təkmilləşdirməyə, əmək bazarı və məşğulluq siyasətinin formalaşması və tətbiqi üçün bacarıqları gücləndirməyə imkan verəcəkdir.