Türkiyənin mühəndislik şirkəti Hareket Project Transportation (HPT) Şah Dəniz konsorsiumu ilə Şah Dəniz Sıxılma (SDC) platforması üçün mühəndislik, daşınma və kran xidmətlərinin göstərilməsini nəzərdə tutan iki illik 11 milyon dollar dəyərində müqavilə imzalayıb. Bu barədə HPT press-relizdə bildirib, məlumatı Report Interfax-a istinadən yayıb.
Müqavilə bu ayın əvvəlində SOCAR və BP ilə aparılan danışıqların nəticəsində bağlanıb və Şah Dəniz qaz-kondensat yatağında platformanın tikintisi üçün operativ dəstəyə yönəlib.
Hareket planlaşdırma, marşrut araşdırmaları, qaldırma həlləri, idarəetmə və quraşdırma kimi kompleks layihə xidmətləri üzrə ixtisaslaşıb. Şirkət Türkiyədə və Xəzər regionunda irimiqyaslı neft, qaz, neft-kimya, bərpa olunan enerji və enerji layihələrində geniş təcrübəyə malikdir.
SDC platformasının tikintisinə 2025-ci il sentyabrın sonlarında başlanılıb. Alfa platformasından aşağı təzyiqli qaz hasilatının 2029-cu ildə, Bravo platformasından isə 2030-cu ildə başlaması gözlənilir.
2,9 milyard dollar dəyərində olan SDC layihəsi yataqdan əlavə 50 milyard kubmetr qaz və 25 milyon barel kondensat hasil etməyə imkan verəcək.
https://report.az/en/energy/turkish-company-signs-11m-shah-deniz-compression-platform-project-service-contract