Cənub Qaz Dəhlizi Məşvərət Şurasının növbəti – 12-ci iclasının 2026-cı ilin ilk rübündə təşkil olunması planlaşdırılır.
Bu barədə Energetika Nazirliyindən Trend-in sorğusuna cavab olaraq məlumat verilib.
“Şuranın 12-ci iclasının cari ilin birinci rübü ərzində keçirilməsi nəzərdə tutulur. Hazırda tədbirin gündəliyinin formalaşdırılması ilə bağlı işlər aparılır”, – deyə nazirlikdən qeyd edilib.
Qeyd edək ki, Cənub Qaz Dəhlizi Məşvərət Şurasının 11-ci iclası 4 aprel 2025-ci ildə baş tutub.
Cənub Qaz Dəhlizi (CQD) Xəzər regionundan Avropaya təbii qazın çatdırılmasını təmin edən strateji layihədir. Dəhliz üç əsas boru kəməri sistemindən – Cənubi Qafqaz Boru Kəməri (SCP), Trans-Anadolu Boru Kəməri (TANAP) və Trans-Adriatik Boru Kəməri (TAP) seqmentlərindən ibarətdir.
Dəhlizin ilkin ötürmə qabiliyyəti ildə 10 milyard kubmetr təşkil edir və bu güc gələcəkdə 20 milyard kubmetrə qədər genişləndirilə bilər.
https://az.trend.az/business/energy/4138979.html