Qazaxıstan Prezidenti Qasım-Jomart Tokayev Azərbaycan və Özbəkistanla “yaşıl enerji” sahəsində üçtərəfli razılaşmanı təsdiqləyən qanunu imzalayıb. Saziş 2024-cü il noyabrın 13-də Bakıda dövlət başçıları tərəfindən imzalanmışdır. Sənəd təmiz enerji, enerji səmərəliliyi, ekoloji cəhətdən təmiz hidrogen və ammonyak istehsalı, həmçinin bərpa olunan enerjinin transsərhəd ötürülməsi üzrə birgə layihələri nəzərdə tutur. Tərəflər enerji ixracı (o cümlədən Avropaya) üçün infrastrukturun inkişaf etdirilməsi, Qara dəniz sualtı elektrik xəttinə qoşulma imkanlarının araşdırılması barədə razılığa gəliblər. Razılaşma çərçivəsində ildə ən azı iki dəfə toplaşacaq Rəhbər Komitə və illik planlar hazırlayacaq işçi qrupu yaradılacaq.
https://report.az/energetika/qazaxistan-azerbaycan-ve-ozbekistanla-yasil-enerji-uzre-sazisi-ratifikasiya-edib