nvestisiya və İxrac Kreditlərinin Sığortası üzrə İslam Korporasiyası (ICIEC) Azərbaycan Dövlət Neft Şirkəti (SOCAR) ilə tərəfdaşlığı iki əsas istiqamətdə inkişaf etdirmək niyyətindədir. Bu fikirləri “Report”a müsahibəsində ICIEC-nin baş icraçı direktoru və Özəl Sektorun İnkişafı üzrə İslam Korporasiyasının (ICD) baş icraçı direktoru vəzifəsini icra edən Xalid Xalafalla bildirib.
“Birinci istiqamət SOCAR-ın beynəlxalq miqyasda genişlənməsi üçün ixrac kreditlərinin təmin edilməsi ilə bağlıdır. Azərbaycan daxilində isə biz SOCAR-la infrastruktur layihələri və bərpa olunan enerji sahəsində əməkdaşlıq edəcək, şirkətin həyata keçirəcəyi və ya təşviq edəcəyi təşəbbüslərə beynəlxalq maliyyə institutlarının cəlb edilməsini təmin edəcəyik”, – deyə o qeyd edib.
O, həmçinin illik toplantı çərçivəsində ICD və SOCAR arasında sazişin imzalandığını xatırladıb: “SOCAR-la imzalanmış Anlaşma Memorandumu bərpa olunan enerji, infrastruktur layihələri sahəsində tərəfdaşlıq, eləcə də Azərbaycan ixracının beynəlxalq bazarlarda – ilk növbədə İslam Əməkdaşlıq Təşkilatının üzvü olan dövlətlərdə və bütövlükdə regionda təşviqi üçün çərçivə platforması hesab edilə bilər”.
Müsahibənin tam mətni ilə bu link vasitəsilə tanış olmaq mümkündür.
https://report.az/energetika/iciec-socar-in-ixraci-genislendirmesine-ve-enerji-layihelerine-destek-verecek